Ingredients

सौंदर्य शास्त्रामध्ये सर्वात जास्त वापरल्या जाणाऱ्या काही संज्ञा (terms). ज्याबद्दल इथे आम्ही सविस्तर माहिती देणार आहोत जेणेकरून तुम्हाला बरवा ब्रँडचे प्रॉडक्ट्स नेमके काय आहेत हे जाणून घ्यायला मदत होईल.

 क्रुयल्टी फ्री  (Cruelty Free) / प्राण्यांवर चाचण्या न घेता
क्रुयल्टी फ्री लिहिण्या मागचा अर्थच असा असतो कि यातील घटक किंवा  प्रॉडक्ट बनवताना प्राण्यांना कोणत्याही प्रकारचा त्रास दिलेला नसतो किंव्हा कोणत्याची प्रकारची चाचणी घेतलेली नसते.

अश्या प्रकारच्या चाचण्यांना टेस्टना शेकडो/लाखो प्राणी बळी पडत आहेत. आम्ही अश्या कोणत्याही चाचण्या करत नाही म्हणूनच आम्ही अभिमानाने सांगू शकतो कि बरवा स्किन थेरपी हा १००% क्रुयल्टी फ्री ब्रँड आहे. तूप आणि मधमाशीच्या पोळ्यातील मेण हे दोनच घटक असे आहेत जे प्राण्यांपासून मिळवले जातात.

गाईच्या दुधापासून तूप आणि मधमाशीच्या पोळ्यापासून मेण मिळवताना मधमाश्या, गायी यांना कोणत्याही प्रकारचा त्रास दिला जात नाही.

शाकाहारी (Vegetarian)
शाकाहारी प्रॉडक्ट म्हणजे असे कि ज्यामध्ये वनस्पतीजन्य घटक असतात. अजून विस्ताराने सांगायचं झालं तर या प्रॉडक्ट मध्ये कोणत्याही प्रकारचे प्राणिजन्य घटक जसे कि हाडांचा चुरा, चरबी, कातडी, नखं आणि बाकी शरीराचे अवयव नसतात.

हा पण नक्कीच, बरवा च्या प्रॉडक्ट्स मध्ये प्राण्यांपासून बनणारे पदार्थ जसे की तूप, क्रीम,मेण( bee wax) हे वापरले आहेत पण त्यासाठी प्राण्यांना कसलाही त्रास दिला जात नाही किंवा त्यांना मारलं जात नाही. बरवा च्या मेकअप आणि त्वचेच रक्षण करणाऱ्या प्रॉडक्ट मध्ये तूप आणि मेण याचा वापर असल्यानेच आम्ही ‘वेगन’ आहोत अस आम्ही म्हणत नाही पण शाकाहारी नक्की म्हणतो.

नैसर्गिक घटक (Natural Ingredients)
सहज, सुंदर, निसर्गाची स्वच्छ आणि निर्मळ अनुभूती करून देणारे असे नैसर्गिक घटक जिथे कृत्रिमतेच्या कोणताही सहभाग नसतो

सेंद्रिय (Organic)
सेंद्रिय घटक हे सेंद्रिय पद्धतीने केलेल्या शेतीमधूनच मिळवले जातात ज्यामध्ये फक्त सेंद्रिय कीटक/बुरशी नाशकांचा आणि खताचा वापर केलेला असतो तीही अगदी पारंपरिक आणि सेंद्रिय पद्धतीने बनवलेली. शेतीसाठी वापरली जाणारी बी-बियाणे सुद्धा मूळ वाण असलेली वापरली जातात, हायब्रीड किंवा जनुकीय बदल केलेली नाही.

आयुर्वेदिक (Ayurvedic)
असे घटक जे आयुर्वेदिक पद्धतीने आणि ऐका पेक्षा जास्त घटकांचे संयोजन करून तयार केलेली असतात जी वेगवेगळ्या प्रकारच्या आजारांवर/ रोगांवर  वापरली जातात मग ते त्वचा रोग असतील किंवा केसांशी संबंधित काही त्रास असतील. या आयुर्वेदिक घटक पदार्थांच्या वापराने आपल्या त्वचेमध्ये, केसांच्या वाढीमध्ये नक्कीच सकारात्मक बदल झालेले पाहायला मिळतात आणि म्हणूनच बरवा स्किन थेरपी ची उत्पादने बनवण्यामागे ‘आयुर्वेद आधार’ हा महत्त्वाचा आहे.

बरवा मध्ये आम्ही वेगवेगळ्या आयुर्वेदिक घटक पदार्थांबरोबर काम करतो,जे तुमच्या त्वचेचं,केसांचं सौंदर्य वाढवण्यासाठी मदत तर करतीलच पण तुमच्या शरीराच्या नाजूक अवयवांना कोणत्याही प्रकारचा त्रास किंवा चुकीचे परिणाम तुमच्यावर होऊ देणार नाहीत.

मँगो बटर ( Mango Butter)
मँगो बटर हे आंब्याच्या बाट (कोय) मधून निघणाऱ्या कडु तेलापासून बनवल जातं. हे बटर अत्यंत मऊ आणि नाजूक त्वचेसाठी उपयुक्त असते शिवाय यामध्ये असणारे व्हिटॅमिन इ हे कोरड्या-रुक्ष तसेच सूर्याच्या उष्णतेमुळे भाजल्या गेलेल्या त्वचेसाठी वरदान ठरते.

हळद (Turmeric)
हळद हि अँटी बॅक्टेरियल आणि अँटिसेप्टिक असते म्हणूनच तिचा वापर पिंपल्स आणि acne (मोठे पस झालेले पुरळ) यांच्या ट्रीटमेंट वर वर्षानुवर्षे वापरले जाते. हळदीचा वापर त्वचेची चमक, उजाळा वाढवण्यासाठी तसेच डाग आणि त्वचेवरील अतिरिक्त तेल कमी करण्यासाठी हि केला जातो.

तूप (Ghee)
तुपाला देवाचे अमृत म्हटलं जाते आणि आयुर्वेदामध्ये तुपासाठी ‘सुवर्ण रस’ अशी संज्ञा वापरली जाते ती त्याच्यामध्ये असणाऱ्या औषधी गुणधर्मा मुळे. तूप हे शरीराचे अंतर्गत तसेच बाह्य संरक्षण जसे त्वचा मऊ करून ती कोरडी होण्यापासून वाचवण्याचे काम करते. याचबरोबर याने रात्री पापण्यांखाली मसाज केल्याने डोळ्याखालील काळी वर्तुळे हि कमी होतात.

कोकम बटर (Kokum butter)
कोकम बटर हा त्वचा नरम/मऊ करण्यासाठी वापरल्या जाणाऱ्या घटकांमधला अजून एक महत्त्वाचा घटक. त्वचा पुन्हा नव्यासारखी दिसायला लागणे या प्रक्रियेमध्ये कोकम बटर या घटकाचा महत्त्वाचा रोल आहे. नैसर्गिकरित्या त्वचेचं संरक्षण किंवा रक्षण करणे हे या घटकाचं काम आहे. हे एक उत्तम एंटीऑक्सिडेन्ट आहे जे त्वचेवरील कोरडेपणा कमी करतं, कोशिकांचे नुकसान थांबवून त्यांचे आयुर्मान वाढवते.

डाळिंब (Pomogranate)
हा घटक त्वचेची आद्रता टिकवून ठेवून तिचा कोरडेपणा कमी करण्याचे काम करतो. डाळिंबाच्या दाण्यापासून मिळवलेले तेल हे त्वचेवरील सुरकुत्यांचे प्रमाण कमी करून त्वचा लवचिक ठेवण्याचे मोलाचे काम करते. हे अँटिऑक्सिडेन्ट असल्याने त्वचा नेहमी ताज़ीतवानी राहण्यास मदत होते.

कोरफड (Aloe Vera)
कोरफडीला ‘देवाघरचे झाड’ किंवा ‘देवाच्या दारातील झाड’ असं इजिप्शन लोक म्हणायचे. या झाडाच्या पानांचा वापर आयुर्वेदामध्ये वेगवेगळ्या तऱ्हेने सांगितला जातो. त्वचेवरील सूर्याच्या उष्णतेने भाजलेल्या खुणा कमी करण्यासाठी, त्वचेमधील आर्द्रता टिकवून ठेवण्यासाठी, त्वचेला थंडावा देण्यासाठी, पिंपल्स किंवा मोठे दुखणारे फोड यांच्यावर देखील कोरफडीचा गर उत्तम काम करतो.

केस मऊ-मुलायम, लवचिक ठेवण्यासाठी तसेच त्यांचा काळेपणा टिकवून ठेवणे आणि दुभंगण्या पासून वाचवण्याचे काम हि करते.